World Mathematics Team Championship (WMTC) Azərbaycan üzrə seçim turu 20 sentyabrda olacaq

Dərc olundu 25 avqust 202650 baxış♥ 33 bəyənmə

Azərbaycanda World Mathematics Team Championship (WMTC) - Dünya Riyaziyyat Komanda Çempionatı üzrə seçim turu 20 sentyabr 2026-cı il tarixində keçiriləcək.

Berkeley Universitetinin professorları tərəfindən yaradılmış WMTC şagirdlərin riyazi biliklərini, məntiqi təfəkkürünü, problem həll etmə və analitik düşünmə bacarıqlarını beynəlxalq səviyyədə sınayan nüfuzlu yarışdır.

Olimpiada əsasən 5–11-ci sinif şagirdləri üçün nəzərdə tutulub. Hazırlıq səviyyəsi yüksək olan daha aşağı sinif şagirdləri də seçim turunda iştirak edə bilərlər.

Azərbaycan üzrə seçim mərhələsində yüksək nəticə göstərən iştirakçılar Tailandda keçiriləcək beynəlxalq finala vəsiqə qazanaraq ölkəmizi təmsil etmək imkanı əldə edəcəklər.

Olimpiadada iştirak üçün bu linkdən qeydiyyat4dan keçə bilərsiniz: https://olympic.goc.edu.az/olympic-and-competition/29/2026/wmtc-dunya-riyaziyyat-cempionati