AIMO - Asiya Beynəlxalq Riyaziyyat Olimpiadası

AIMO — Asiya Beynəlxalq Riyaziyyat Olimpiadası 1–11-ci sinif şagirdlərinin riyazi biliklərini, analitik düşünmə və problem həll etmə bacarıqlarını beynəlxalq səviyyədə qiymətləndirən nüfuzlu yarışdır. Olimpiada Asia International Mathematical Olympiad Union beynəlxalq şəbəkəsi tərəfindən təşkil olunur. Bu şəbəkənin Honq Konq üzrə rəsmi katibliyi Hong Kong Mathematical Olympiad Association tərəfindən həyata keçirilir. Azərbaycan üzrə rəsmi yerli katiblik və təşkilatçılıq funksiyasını isə Global Olympiad Center yerinə yetirir. AIMO tapşırıqları şagirdlərin yalnız hesablama bacarığını deyil, məntiqi əlaqələri müəyyənləşdirmək, qeyri-standart yanaşmalar qurmaq və mürəkkəb problemlər üçün düzgün həll yolu seçmək qabiliyyətini də qiymətləndirir. Seçim turunda yüksək nəticə göstərən iştirakçılar beynəlxalq final mərhələsində müxtəlif ölkələrin güclü şagirdləri ilə yarışmaq, medal və beynəlxalq sertifikatlar əldə etmək imkanı qazanırlar.